January 16, 2021

Desportu.XYZ

Desportu Timor-Leste

Atensaun, Aban PNTL Taka Estrada Metade Sidade Dili

DILI–Portavós Komandu Jerál Polísia Nasionál Timor-Leste, Superintendente Xefe Polísia, Arnaldo Araújo, informa, atu komemora Loron konsulta popular 30 de Agostu, Polísia Sei asegura Kompetisaun Siklizmu ne’ebé hala’o iha loron sábadu, 29/08.

“Iha eventu boot rua ne’ebé sei halo, liu-liu kona-ba Siklizmu nian hosi Federasaun Siklizmu hahú Kompetisaun hosi tuku 6:00 dadersan to’o tuku 14:00, ida fali kurrida bisikleta hahú hosi tuku 8:00 to’o fali tuku 14:00, iha Dili sábadu, 29/08,” deklara Portavós Komandu Jerál PNTL, Superintendente Xefe Polísia Arnaldo, ba jornalista iha kuartél PNTL Kaikoli, sesta,(28/08).

Portavós PNTL mensiona rute-rute sira kurrida bisikleta Primeiru hahú tuku 6:00 remata tuku 14:00.

Start hosi Palásiu Governu, liu hosi diresaun Helo Mister-toko Hidayat- Kuartél Jerál PNTL nia oin,-Ministériu Justisa, kruzamentu RDTL, Igreija Katedral–Sang Surya–Ponte Maloa–Bairro Pite, Kruzamentu Kakaulidun-Kruzamentu Fatumeta-Radio Falintil-Kruzamentu Aimutin- Bundaran Elemloi-Timor Plaza. Tun ba Pertamina Pantai Kelapa-Embaixada Amerika-Embaixada Brazil-Ministériu Turizmu-Igreija Motael-Palasiu Governu.

Kontunua ba Ponte BJ Habibie-Metiaut-Residensia Abo Horta nian, Rotunda Hera-Fatuahi, Terminal Bekora-Mota Ulun, Aidak Bihare, TVRI Fatuahi-Kamea Lenuk Hun-Rate Tali Laran, Bidau Masaur-Bidau Mota Klaran-Bidau Santana, Metiaut no ikus sei final iha Kristo Rei.

Nune’e mós eventu hanesan Siklizmu hosi oras tuku 8:00 dadersan to’o tuku 14:00 nia Rute maka hanesan, hahú star hosi Benfika Pateo, Otel Timor, Palasiu Governu, Helo Mister, Rotunda Merkadu Lama, Audian, Santa Cruz, Taman Makam Pahlawan, Igreija Balide, eis PM Balide, Matadoru, Katedral, Tugu Pramuka, Eis Bank Duta, Otel Claramension, Igreija Motael, Portu Dili, Palasiu Governu, eis Helo Mister Parlamentu Nasionál no final iha Benfika.

Tanba ne’e Portavos PNTL Husu ba Tránsporte Públiku atu bele Hapara Temporariu serkulasaun Rute sira ne’ebé kompetidor siklista sira liu, tanba Polísia Sei Taka Temporariu. (Timor Post)

Facebook Comments

error:
P