October 26, 2020

Desportu Timor-Leste

Ponta Leste ho Karketu Dili Tama Faze Desizivu


DILI – Metade hosi ekipa partisipante hala’o ona jogu dala rua iha preliminár kualif9ikasaun grupu A to’o D, iha semana ne’e sai semana desizivu ba sira ne’ebé derrota no sira ne’ebé hamosu vitória hodi pasa iha kualifikasaun grupu ne’e.

Tuir oráriu ne’ebé iha, jogu ohin entre AD SLB Laulara kontra Kablaki FC. Ekipa rua seidauk hatama iha faze desizivu basá ekipa rua foin hala’o jogu dala ida no rekolla pontu hanesan, iha posibilidade boot SLB sei rekolla tan pontu tolu haree hosi kualidade ekipa no performa jogadór iha kampu. SLB antes ne’e manan ona Boavista Timor FC 3-2 iha abertura Grupu enkuantu Kablaki FC mós manan 3-2 ba Lika Lika Lemorai.

Jogu aban, entre Assalam FC kontra Zebra FC. Ekipa rua iha oportunidade atu Assalam realiza jogu ba datoluk hafoin sofre derrota iha jogu dahuluk hasoru Lalenok United FC 2-0 no rekolla pontu pozitivu hasoru DIT FC ho golu 3-1.

Iha jogu aban se Asalam maka manan sei lidera provizóriu Grupu A, se derrota fó oportunidade ba Zebra atu harame liu tan iha Gurpu A basá ekipa tolu hanesan DIT, Assalam ho Zebra rekolla pontu tolu, karik jogu aban vitória pertense ba Zebra FC.

Jogu tuir mai entre AS Ponta Leste ho Fitun Estudante. Jogu ne’e determinante ba Ponta Leste karik manan Ponta Leste lidera kedas grupu B ho realizasaun jogu ba dala tolu no sei rekolla pontu 9, atualmente rekolla pontu 6 ho golu 10. Enkuantu FIEL mós iha oportunidade atu rekolla pontu 6 karik vitória iha jogu tuir mai pertense ba FIEL.

Iha Grupu C mós iha situasaun hanesan ho Grupu B, tanba Karketu Dili FV hala’o ona jogu ba dala rua no rekolla pontu 6 se iha jogu da toluk ne’e Karketu nafatin hetan vitória maka sei lidera Grupu C no pasa iha kualifikasaun grupu. Se FC Portu maka manan, sei harame tanba Grupu C, tanba FC Portu antes ne’e iha ona jogu ida manan Aitana FC 5-1.

Jogu ikus iha semana nee maka Lika Lika hasoru Emanuel FC iha Grupu D hanesan jogu salva dignidade, tanba ekipa rua hala’o ona jogu dahuluk maibé simu derrota, jogu daruak ne’e fó oportunidade atu rekolla netik pontu 3. (Augusto)

Facebook Comments

error:
P