October 21, 2020

Desportu Timor-Leste

João Pedro La kompleta Minutu 90 Hasoru Kablaki


DILI – Jogadór estrela Timor-Leste Joao Pedro (JP) la partisipa jogu kompleta iha minutu 90 nia laran hasoru Kablaki FC tanba nia tenke sai sedu hosi kampu no hetan substituisaun.

“Ha’u sente triste uitoan tanba jogadór avansadu João Pedro hetan problema husi nia ain karuk halo nia Aleiza,” deklara Coach Nivio iha sesaun konferénsia imprensa iha estádiu munisipál Dili.

Hafoin ekipa SLB hasoru situasaun ne’e, halo kedas mudansa substitui jogadór seluk, no buka tempu atu JP bele halo rekuperasaun lalais.

Iha jogu daruak kontra Kablaki FC, dezde minutu inísiu João Pedro sempre hatudu jogu atrativu no fó ameasa perigu iha area risku Kalblaki FC, no hetan satan no hamonu iha area risku nian hodi kablaki hetan kastigu sutu penalty. JP ezekuta duni sutu penalidade ho susesu maibé augenta minutu balun no la kompleta primeira parte.

Iha minutu 35 nia monu besik risku 16 area Kablaki FC nian, árbitru Francisco Fereira tenta ekipa médiku tama ba halo atendimentu maibé tenke hoot sai hosi kampu tanba atraza jogu.

Hafoin tuur minutu ida no seudak rekopera , ekipa ofisial desidei substitui João Pedro iha minutu 38 hodi hatama fali jogadór Alexandro Kefi.

Durante partisipa iha kopa FFTL, João Pedro hola parte iha ekipa prinsipál no tun iha primeira parte, tuir dadus ne’ebé desportu.xyz arkiva jogadór João Pedro joga de’it total minutu 128 hosi jogu rua antes ne’e hasoru Boavista FC joga full no hasoru Kablaki nia la kompleta 90 minutu. (Augusto)

Facebook Comments

error:
P