October 26, 2020

Desportu Timor-Leste

António Temoteo, ‘Hetan Vitória, Maibé Seidauk Seguru Ba Oitavu Finais’


Dili – Ekipa Karketu FC, ne’ebé finaliza ona nia jogu ikus, ba dala haat iha grupu C, bainhira kontra ekipa adversáriu Aitana FC, hodi rekolla hikas pontu tolu iha Kopa FFTL tinan ne’e, tan ne’e Karketu iha de’it pontu sia.

Jogu entre ekipa rua, iha stadium Munísipal Dili (24/09), tan ne’e ekipa Karketu hodi halakon nia ekipa adversáriu Aitana ho skor 3-0.

Tuir treinadór Karketu, Antonio Temoteo hateten, manan ekipa adversáriu liu husi esforsu jogadór sira nian, tanba xave atu hetan tan pontu tolu, nune’e bele hakat ba oitavu finais.

“Maske hetan vitória kontra Aitana, maibé seidauk seguru ba oitavu finais, tanba ekipa Sporting de Timor no Portu Tai-Besi mós sei iha oportunidade”.Hateten treinadór ne’e iha stadium Munísipal Dili-Kinta (25/09/200).

Nia reforsa tan, Karketu nia jogu ikus kontra Aitana, hodi hetan deit pontu sia, tan ne’e, ba oin sira hein de’it ekipa rua seluk nia rejultadu jogu hodi termina ekipa ne’ebé mak hakat ba oitavu finais.

Tanba ne’e, treinadór ne’e promete, ba oin sira sei prepa di’ak liu tan, nune’e mós sei mantein ritmu jogu refere, bainhira hakat duni ba oitavu finais.

Enkuantu jogadór Agustu da Costa, ne’ebé lori ekipa Karketu hodi hetan vitória dehan, rejultadu ohin tanba sira prepara maka’as durante ne’e.
“Ida ne’e jogu ikus, hodi hetan pontu tolu, hodi hein ba oitavu finais”. Dehan nia.

Nune’e, Agustu mós sai mellor markadór, iha jogu ikus kontra Aitana ho golu tolu.

“Hau kontente los ho rejultadu ohin”. Nia hakotu. (Vidal).

Facebook Comments

error:
P