October 21, 2020

Desportu Timor-Leste

Aplika Jogu Nakloke Lika Lika Trava Vitoria ba Boavista


DILI – Ekipa Lica-Lica Lemorai FC, ne’ebé hala’o jogu ba datoluk, iha grupu D, kontra ekipa adversáriu Boavista FC de Timor, maibé rejultadu tenki fahe pontu tolu, tanba halo empata 2-2.

Jogu entre ekipa rua iha stadium Munísipal Dili (25/09), iha jogu primera parte, ekipa Lica-Lica lidera uluk golu ba ekipa Boavista liu husi jogadór numeru 10 ho Naran Miguel Barreto iha minutu ‘1’ no golu daruak iha minutu ’13’, husi Manuel da Silva, ne’ebé uza númeru 11 hodi muda skor 2-0, to’o jogu primeira parte remata.

Tuir treinadór Lica-Lica Lemorai, Octaviano Pinto haktuir katak, iha jogu primeira parte nia la espera atu golu, maibé jogadór sira rona nia orientasaun, nune’e produz duni golu 2-0.

“Iha jogu primeira parte jogadór sira la tabele iha ekipa adversáriu nia jogadór nia kotuk, nune’e hodi lidera golu, maibé hakat ba jogu segundu parte, jogadór sira tabele fali iha kotu nune’e, halo ema presaun maka’as hodi sofre golu rua tuituir malu,” Hateten treinadór ne’e iha fatin konferénsia imprensa stadium Munísipal Dili-Sexta (25/09/2020).

Tanba ne’e, treinadór ne’e afirma, jogadór sira mak rona nia orientasaun labele tabele iha ema nia kotuk, ohin sira bele manan ekipa adversáriu.

Treinadór ne’e mós sente kontente ho nia jogador sira, tanba nia ekipa hanesan segundu divizaun ida, maibé bele halo empata ho ekipa sigante Boavista ho skor 2-2.

Enkuantu kapitaun Lica-Lica Lemorai, Pedro Vicente hateten, iha jogu primeira parte sira mak lidera golu, maibé hakat ba segundu parte sira falla iha konsentrasaun jogu, nune’e halo ekipa adversáriu produz fali golu rua.

“Ami nia liña klaran (mediu) tabele fali mai ami defeza, entaun halo ema tama, nune’e hodi halo golu”. Nia dehan.

Ekipa Lica-Lica Lemorai, derota ona dala ida ho skor 2-3 ho Baklaki FC, no empata dala rua entre Emanuel 1-1 no Boavista FC 2-2, tan ne’e Lica-Lica tenki hetan pontu rua. (Vidal).

Facebook Comments

error:
P