October 26, 2020

Desportu Timor-Leste

Lalenok Hasees DIT no Hakuak Assalam Ultrapasa ba Ointavu Finais


Dili – Ekipa husi universidade Dili of Institut Teknojia Dili (DIT), labele hakat ba oitavu finais tanba, Lalenok United habadak nia distinu iha jogu ikus.

DIT kompleta jogu haat, rezultadu manan rua lakon rua rekolla pontu 6, ho bola pozitivu rua.

Enkuantu ekipa advsesariu iha grupu Assalam FC ne’ebé fuan nakdedar ho sira ninia destinu kesi ba jogu ikus DIT ho Lalenok dada anin livre hafoin ekipa kampiaun liga 2019 ho susesu manan DIT iha jogu ikus 2-0.

Biban nee fo oprtunidade ba Assalam ne’ebé halao jogu haat, manan tolu no lakon ida, hodi rekolla pontu 9 nunee okupa segunda kampiaun Grupu A hodi hakat ho lalenok United hanesan kampiaun primeira klasifikasuan ba iha grupu a ba oitavu finais.

Jogu ba kompetisaun ba Kopa FFTL tinan ne’e, ekipa DIT tama iha grupu A, hamutuk ho Lalenok United, Assalam Fc, Zebra no Santa Cruz Fc, tan ne’e DIT konsege manan ekipa rua no lakon ho ekipa rua, tan ne’e nia iha deit pontu neen, no labele hakat ona oitavu finais.

Tuir treinadór DIT Mial Baliebata Armand katak, nia parte triste ho nia ekipa, tanba labele hakat to’o iha faze oitavu finais, maibé nia promete nafatin esforsu treinu hodi prepara ba Liga Futebol Timor Leste (LFTL), iha tinan oin mai.

“Ami nia ekipa iha oportunidade barak, maibé rezultadu oin seluk, nune’e mós iha penalidade ne’e mós la rezulta golu,” espresa treinadór ne’e iha fatin konferénsia imprensa stadium Munísipal Dili-Kinta (01/10/2020).

Nia haree, iha jogu primeira parte sira halo presaun maka’as los hasoru Lalenok, maibé iha jogu segundu parte jogadór sira nia físiku monu, nune’e halo ekipa adversáriu produs golu ho skor 2-0.

Treinadór ne’e promete, fallansu hirak ne’e hanesan evaluasaun hodi hadi’a iha tempu tuir mai, nune’e bele hasa’e kualidade jogadór sira nian, nune’e bele halo kompetisaun iha jogu tuir mai bele di’ak liu tan.

Enkuantu, médiu husi DIT nian, Feliciano Gonsalves mós triste ho sira nia ekipa labele hakat ba oitavu finais.

Nia reforsa, iha jogu primeira parte sira hatudu jogu di’ak no tuir orientasaun treinadór nian, maibé hakat ba jogu segundu parte sira esforsu, maibé físiku labele, nune’e halo ekipa adversáriu produs golu.(Vidal).

Facebook Comments

error:
P