October 26, 2020

Desportu Timor-Leste

Treinadór Lika-Lika Fó Sala Jogadór Hafoin Derota Ho SLB

Ekipa Lika Lika Lemorai FC

Ekipa Lika Lika Lemorai FC

Dili-Ekipa Lika-Lika Lemorai, derota ho AD.SLB Laulara ho skor 0-9, iha jogu ikus kopa FFTL tinan ne’e.

Lika-Lika akontese empata dala rua, no  derota dala rua, tan ne’e labele ona hakat ba faze oitavu finais, tanba hela ho pontus rua.

Tan ne’e tuir treinadór Lika-Lika Lemorai Fc Octaviano Pinto katak, iha jogu ikus derota boot ne’e tanba jogadór sira lakon votade, tanba sira hatene sira ekipa Lika-Lika labele hakat ba oitavu finais, tanba ne’e sira la tuir treinu lorloron.

“Hau la satisfaz ho jogadór sira nia estamina tun maka’as, tanba sira hare tabela klasifikasaun ne’e ami iha deit pontu 2, entaun mentalidade jogadór ne’e tun, tanba labele hakat ba oitavu finais”. Dehan treinadór ne’e iha fatin konferénsia imprensa stadium Munisípal Dili, Domingu (04/10/2020).

Treinadór ne’e rekoñese, jogadór sira mós barak mak baruk tuir treinu, nune’e halo sira simu golu barak liu, tan ne’e nia fó kulpa ba jogadór sira, banhira la treinu tenki simu golu barak.

Nia mós triste ho nia ekipa derota ho ekipa adversáriu tanba ho golu ne’ebé boot tebes.

Nune’e mós kapitaun Lika-Lika Nelson Soares mós rekoñese, sira simu golu brak husi ekia adversáriu ne’e tanba fallansu husi sira nia parte. Tan ne’e, nia promete derota ne’e hanesan motisaun di’ak ba sira, tan ne’e ba oin kontinua prepara iha jogu sira tuir mai. (vidal).

Facebook Comments

error:
P