October 26, 2020

Desportu Timor-Leste

Zebra Festa Golu Termina Partisipasaun iha Kopa FFTL


Dili – Ekipa Fc Zebra ne’ebé lokalizadu husi Baucau, ne’ebé hakotu ona nia jornáda jogu ikus kontra ekipa adversáriu Santa Cruz FC, hodi rekolla hikas pontu tolu, iha Kopa FFTL tinan 2020.

Ekipa Zebra tama iha grupu A, hamutuk ho Lalenok United, DIT, Assalam, no Santa Cruz, tan ne’e ekipa husi Baucau ne’e derota ba dala tolu, no manan ida, iha jogu ikus kontra Santa Cruz liu husi skor 5-1.

Maske manan ekipa adversáriu hodi rekolla pontu tolu iha jogu ikus ne’e, maibé Zebra la hakat ba oitavu finais, tanba Lalenok United ho Assalam mak katak ba iha faze oitavu finais.

Tanba ne’e treinadór husi FC Zebra Rogerio Mok dehan, maske manan ekipa adversáriu ho skor 5-1, maibé nia ladauk orgullu ho rejultadu refere, tanba iha jogu dahuluk sira iha fallansu barak, tan ne’e nia parte ne’e hanesan evaluasaun ba sira hodi hadi’a iha faze tuir mai.

“Ida ne’e atu motiva ami atu prepara áan di’ak liu tan, ba jogadór tantu estrutura klubu, tanba ita prepara áan di’ak, ba oin jogu liga 12 Novembru nian bele hatudu rejultadu di’ak”. Dehan treinadór ne’e iha fatin konferénsia imprensa stadium Munísipal Dili-Kinta (08/10/2020).

Tanba ne’e, treinadór ne’e espresa, fallansu husi estrutura hodi emplika sira nia ekipa hodi monu hader hela de’it.

Treinadór ne’e mós rekoñese, durante ne’e sira hala’o jogu, obrigadu tenki hakat ain husi Baucau no to’o Dili, loraik tenki hala’o kedas jogu, tan ne’e nia dehan ne’e hanesan situasaun ida la bele ajuda sira.

“Ami to’o loraik tenki joga, ida ne’e problema ida ba ami”. Nia rekoñese.
Enkuantu, treinadór ne’e mós argumenta liu tan, durante ne’e sira nia estrutura husi klubu sei namkari, tan sira sei hadi’a.

Nia mós husu deskulpa ba nia adeptus husi Baucau, tanba durante ne’e sira lahatudu rejultadu jogu ho di’ak.

Nune’e mós jogadór ne’ebé hetan man of the match Domingos Freitas, ne’ebé uza kamizola númeru 8 mós dehan, nia kontente ho titúlu refere, maibé nia mós husu deskulpa ba sira nia adeptus hotu husi Baucau. (Vidal).

Facebook Comments

error:
P