October 21, 2020

Desportu Timor-Leste

AS Marca Simu Uluk Golu Husi Lalenok United


Gleno-Jogu entre ekipa segundu divizaun, AS Marca kontra ekipa sigante primeira divizaun Lalenok United, iha stadium Gleno Kafé Ermera, Kinta (15/10/2020), tanba ne’e, AS Marca tenki simu uluk golu husi ekipa adversáriu liu husi jogadór Elias Mesquita ho númeru kamizola 10, iha minutu ’11’ iha jogu primera parte hodi muda skor 1-0.

Golu refere halo AS Marca mós esforsu aan hodi halo ataka, maibé la fó oferese golu ruma, tanba liña defeza ekipa adversáriu la fó fatin tanba haree ba fisíku AS Marca menus, maske halo mós presaun ba ekipa adversáriu nia baliza.

Tanba ne’e, iha minutu ikus 45+2, iha jogu primera parte nian, AS Marca tenki simu nafatin golu husi ekipa adversáriu liu husi jogadór Herminio de Sousa, ne’ebé uza kamizola númeru 15 hodi muda skor 2-0, iha jogu primera parte termina.

Depois de hakat ba jogu segundu parte, sorte nafatin mosu ba Lalenok hodi lansa tan golu, minutu 62, nafatin jogadór numeru 15, hodi muda skor 3-0.

Skor refere halo treinadór AS Romão Guteres hodi hatun tan nia jogadór sira, maibé labele produs golu ruma.

Tan ne’e, iha tan minutu ‘76’, jogadór Lalenok nian, númeru kamizola 77 ho naran Daniel Adadi hodi lansa tan golu ida, hodi muda skor 4-0, liu husi bola pasajen.

Maske Adadi hatama golu, maibé nia mós hetan kartaun kinur, bainhira kontra sala, nune’e árbitru Pedro Maia Carvalho tenki hi’it kartaun ba nia, tan ne’e treinadór Lalenok nian, Simon Elessetche hodi troka fila Adadi, hetan subtituisaun husi jogadór númeru kamizola.

Tanba ne’e, iha minutu ikus, nafatin golu Lalenok nian, liu husi bola penalidade, hetan suta husi jogadór ho númeru 10, Elias Mesquita iha minutu 90+5, hodi muda skor 6-0, to’o jogu segundu parte termina. (Vidal).

Facebook Comments

error:
P