October 26, 2020

Desportu Timor-Leste

Lalenok United Hein iha Semi final

Gleno-Ekipa Sigante Lalenok United ne’ebé hala’o jogu ba faze oitavu finais nian, hodi halakon nia ekipa adversáriu, ekipa segundu divizaun AS Marca iha stadium Kafé Ermera, Kinta (15/10/2020).

Tanba ne’e, Lalenok United tenki hein iha faze semi final, husi ekipa sira seluk, hanesan AD.SLB Laulara, FC Ponta Leste, Boavista FC de Timor, Sporting FC de Timor no Karketu FC, ne’ebé sei dauk hala’o jogu iha oitavu finais nian, iha semana ne’e nia laran.

Tuir treinadór Lalenok United Simon Elisstche iha konferénsia imprensa denhan, nia parte kontente ho rejultadu ne’ebé sira hetan husi ekipa adversáriu hodi hakat ba faze qutru finais ninian, tuir sira nia tarjetu jogu.

“Hau la gosta kolia lia fuan optimista ka pesimista, hau hakarak buat ne’ebé realidade, tanba ne’e sei hare jogu entre Boavista kontra Karketu iha Sabadu semana ne’e hodi hare sira nia forsa no fallansu hirak ne’ebé sira iha jogu nia laran”.

Hateten treinadór ne’e iha konferénsia imprensa stadium kafe Ermera, Kinta (15/10/2020).

Enkuantu, jogu entre Lalenok kontra AS Marca ne’e, Man of the Match monu ba jogadór Lalenok United nian, Hermenio de Souza, ne’ebé uza kamizola númeru 15.

“Titúlu ne’ebé hau hetan ne’e hanesan motivasaun ida ba jogadór hotu atu hatudu nia talentu jogu”. Hateten Hermenio.

Hermenio hatama golu rua, Elias Mesquita golu rua, Daniel Adadi golu ida no Paul Gali golu ida, hodi fo skor 6-0 banhira kontra AS Marca iha stadium Kafe Ermera.(Vidal).

Facebook Comments

error:
P