October 31, 2020

Desportu Timor-Leste

AD. SLB Laulara Hanehan Sporting Iha Faze Oitavu Finais


Gleno – Ekipa segundu divizaun, Sporting Fc de Timor, tenki monu iha jogu oitavu finais, hafoin kontra ekipa primeira divizaun AD. SLB Laulara iha stadium kafé Ermera, Sexta (16/10/2020).

Jogu entre ekipa primeira divizaun AD.SLB Laulara kontra ekipa segundu divizaun Sporting Fc de Timor iha stadiun Kafé Ermera, Sexta (16/10/2020), ne’e.

Hafoin jogu hahú iha primeira parte, hafoin árbitru ne’ebé lideradu husi Francisco Perreira (Dili Timor Leste), hahu huú ba ‘kick off’ nian, hafoin liu de’it minutu ’23’ João Perdro Freitas, ne’ebé uza kamizola númeru 7, fura kedas golu ba guarda rede Sporting nian, hafoin heta lansa bola husi Cornelio Portela, ne’ebé uza kamizola númeru 11 hodi muda skor 1-0 iha jogu primera parte nian.

Hafoin de minutu ’31’, nafatin golu AD.SLB Laulara nian, liu husi jogadór Mouzinho de Lima, ho númeru kamizola 10, bainhira hetan bola husi Cornelio Portela, ne’ebé pasa bola husi liña klaran, ba Mouzinho iha liña parte loos ninian hodi fura tan guarda rede ekipa adversáriu nian hodi muda skor 2-0.

Depois de aumenta tan minutu ‘1’, ba extra nian, João Pedro lansa tan golu ida ba ekipa adversáriu hodi muda skor 3-0, to’o jogu primera termina.
Hafoin de hakat ba jogu segundu parte nian, liu de’it minutu ’47’, Mouzinho hatama tan golu ida liu husi shutu bola falta besik liña ’16’, ba guarda rese Sporting nian, halo baliza kaer bola la metin halo bola nandoras tama rede laran, nune’e muda skor 4-0.

Hafoin udan monu ba stadium, halo bola nandoras ekipa rua halo ataka malu, nune’e jogadór AD.SLB nian halo sala eru, nune’e ekipa sporting lansa golu ida, iha minutu ’57’ liu husi bola shutu husi jogadór Florindo Soares ba guarda rede AD.SLB nian hodi muda skor 1-4.

La kleur AD.SLB responde hikas golu ida iha minutu ’61’, liu husi jogadór Mouzinho hodi muda skor 5-1.

Tanba ne’e, liu fali minutu Sorte nafatin monu ba SLB, tanba iha minutu ’81’, Alexandro Ima Kefi, responde tan golu ida hodi muda skor 6-2.
Liu de’it minutu ’84’, sporting lansa hikas golu ida, liu husi jogadór númeru kamizola 8, Lexi Careca Atok hodi muda rejultadu 3-6 to’o jogu segundu parte termina. (Vidal).

Facebook Comments

error:
P