November 28, 2020

Desportu Timor-Leste

SLB Ho Lalenok Se Maka Sai Kampiaun Dahuluk Kopa FFTL 2020


DILI – Kopa FFTL 2020n tama iha faze rohan, Finalista Grupu A ho Grupu D sei kompete iha final hodi hadau malu títulu kampiaun Kopa FFTL dahuluk iha istória futeból iha nasaun Timor-Leste. Sosiedade hadomi futeból Timor-Leste tuir imi nia haree ekipa rua ne’e ida ne’ebé merese sai kampiaun kopa FFTL 2020.

SLB Laulara hasoru Assalam FC la’ós ona foun ba amante futeból iha Sidade Dili. Ba jogu ohin iha estádiu Munisipal Dili, sorte afilia ba SLB Laulara ne’ebé derije hosi treinadór Efrem, hatudu ritmu oin seluk, SLB fila lidera uluk jogu iha minutu 8 liu hosi jogadór Mousinho de Lima Hodi lidera jogu.

Antes termina jogu parte dahuluk SLB liu hosi ninia jogadór defeza, Felipe oliveira aumenta tan golu daruak nian. Golu ne’e hetan asisténsia husi jogadór João Pedro bola kruza karuk monu ba Felipe Nia ain halo baliza Assalam label Salva bola ho di’ak refere.

Rezultadu jogu daruak semi final, vitória pertense ba SLB Laulara ho rezultadu 2-0 ba Assalam FC ho nune’e SLB maka hasoru lalenok United iha Final kopa FFTL 2020 nian.

Antes ne’e, Assalam FC iha esperiénsia midar iha tinan 2016, tebe sai eis kampiaun Liga Futeból Amadora (LFA) SLB Laulara iha oitavu finais ho rezultadu 3-2.

Altura ne’ebé SLB derije hosi treinadór Mister Kim no assalam derije hosi Simon Elissetche. Treinadór Xileno ne’e lori assalam okupa segunda kampiaun tasa 12 Novembru 2016.

Dezde marka istória sai kampiaun Liga ba dahuluk iha rai laran, Aramajen ekipa nasionál, SLB laulara sempre sai finalista top iha liga amadora no ladún hetan títlu doméstiku. (ato)

Facebook Comments

error:
P