December 4, 2020

Desportu Timor-Leste

Lalenok United FC Kampiaun Kopa FFTL 2020


DILI – Mezmu sofre uluk golu dahuluk hosi adversáriu lalenok United rejiste empate no manan jogu hodi hi’it kopa FFTL 2020 nian nu’udar eventu hosi FFTL ba dahuluk iha nasaun Timor-Leste dezde federasaun sai membru ba FIFA no AFC.

Ekipa ho emblema Makikit Laulara ho susesu fura dahuluk rede Ekipa ho emblema sakunar Lealenok United iha minutu 8 primeira parte jogu.

Jogadór Kornelis Portela ho susesu marka Golu Hosi SLB hodi lidera jogu.
La dura kleur, Lalenok United fó resposta liu hosi jogadór junior ekipa nasionál, Elias Mesquita ho kamizola 10 hamosu golu iha minutu 28 ho empate jogu 1-1.

Árbitru dirijente, Francisco Ferreira hasai hosi bolsu kartaun kinur rua ne’ebé derije ona ba jogadór hosi Joao Pedro hosi SLB ho kamizola 7 no jogadór lalenok United iha kamizola 8, Alan Melo.

Antes termina primeira parte Árbitru Francisco hu ba dala ikus nian minutu 45+ rezultadu mantein 1-1.

Ekipa rua kontinua atrai adeptu ne’ebé asiste, rezultadu empate muda iha minutu 83 liu hosi jogadór kamizola 93, marka golu adisional tiru penalidade hodi lori lalenok muda rezultadu jogu jogu 1-2.

To’o termina jogu, vitória pertense ba Lalenok united nudar ekipa kampiaun kopa FFTL ba dahuluk iha estadiun futeból kafé Ermera.
Jogu klásiku ne’e kuaze halo sidade Dili menus movimentu públiku, maioria dezloka ba munisípiu Ermera hosi asiste jogu.

Observasaun hosi tribun no ninin hosi kampu kafé Ermera prienxe nakonu ho adeptu no sidadaun hadomi bola. Hein tan rezultadu parte daruak ekipa rua se maka sei sai kampiaun dahuluk ba kopa FFTL dahuluk iha Timor-Leste ne’e.(ato)

Facebook Comments

error:
P