December 4, 2020

Desportu Timor-Leste

Empreza PERTAMINA Sai Patrosinadór iha Atividade Desportu

DILI – Empreza PERTAMINA Internasionál iha Timor-Leste ofisialmente sai patrosinadór ba atleta JOJO Fitness no mós sai ‘Brand Ambassador’ empreza ne’e nian.

Empreza hosi nasaun viziñu Indonesia ne’e, aleinde halo negósiu iha Timor-Leste sira mós hakarak hola parte iha atividade sira ne’ebé la’o iha area sira seluk, hanesan PERTAMINA hatudu daudauk iha desportu.

“Ita iha kometimentu buka atu apoiu dezenvolve joven timoroan sira nian vontade,” afirma ezekutivu PERTAMINA Internasionál Timor, Beni Harto Wijaya ba media nasionál sira iha Timor Plaza, sábadu (25/10).

Ezekutivu ne’e dehan, apoiu ba JOJO Fitness nu’udar pasu dahuluk iha desportu nian, PERTAMINA fó asisténsia finanseira no mós nesesidade ekipa presiza hodi dezenvolve an.

“Ho parseria ne’ebé ita iha, ita fiar katak JOJO fitness sei dezenvolve an di’ak hodi kompete iha rai laran no mós bele ba kompete iha rai seluk,”
Ezekutivu ne’e hatutan, Ho prezensa atividade kompetisaun sira iha desportu lori joven sira kontinua iha vontade no hatudu papél foin-sa’e nian, Tanba joven sira maka futuru nasaun ba oin.

Iha fatin hanesan, João Batista Da Conceição Miranda nu’udar atleta Jojo Fitnes apresia ba parseria ne’ebé halo ho Pertamina.

“Ha’u hanesan atleta muda foin ba dahuluk hetan sponsor hosi PERTAMINA internasionál Timor, kontente orgullu no agradese,” tenik atleta João.

Nia afirma tan, hakarak hatudu ninia nia prestasaun hatudu saida maka nia iha hodi kompete iha palku. (ato)

Facebook Comments

error:
P