November 28, 2020

Desportu Timor-Leste

São Francisco Xavier vs Crazy Horse sei Harame Kampu Fatuhada


Dili – Ekipa husi São Francisco Xavier sei kontra nia adversáriu Crazy Horse iha jogu abertura jogu PraLiga iha kampu salau Fatuhada-Dili iha loron Sabádu (14/11) semana oin.

Tanba ne’e, vise presidente, ekipa São Francisco Xavier Willy Usfinit hateten, sira antusiasmu tebes tanba bele partisipa iha jogu dahuluk PraLiga ba tinan ne’e.

“Ami haksolok tebtebes, tanba hanesan ekipa ne’ebé dahuluk partisipa iha jogu abertura ne’e rasik, tanba ne’e sai hanesan istória ba jogu PraLiga nian”. Dehan nia iha Salaun Xanana Sporting Center, Sabádu (07/11/2020).
Nia mós promete, sira prontu atu partisipa iha jogu ne’e rasik, tanba ne’e iha esperansa sei sai kampeaun iha jogu refere.

Nia mós rekoñese, iha klubu seluk iha esperansa atu sai mós kampeaun, tanba klubu hotu preparadu.

Nia dehan, durante iha jogu tray out ekipa São Francisco halo ona tray out barak ho ekipa seluk, maibé ba ekipa Crazy Horse seidauk halo tray out hasoru ekipa refere.

Nune’e mós presidente husi klubu Crazy Horse, Nilton Araújo afirma, sira prontu hasoru ekipa ne’ebé de’it mak atu tuir kompetisaun ne’e rasik.
Enkuantu, nia mós iha optimista hakarak manan ekipa São Francisco Xavier iha jogu abertura iha semana oin. (Vidal).

Facebook Comments

error:
P