December 6, 2020

Desportu Timor-Leste

DIT Ho Assalam Hahú Hamanas Malu Ain


Dili – Ekipa rua hanesan Dili Institut of Technology (DIT), no Assalam Fc, hahú halo teste ba sira nia jogadór sira, liu husi jogu tray out, antes hakat ba jogu taxa 12 de Novembru sei akontese fulan ne’e nia laran.

Jogu entre ekipa rua, iha kampu DIT nian, ekipa rua hatudu sira nia rítmu jogu, hodi defende ida-ida nia ekipa to’o jogu termina, la iha ekipa ida mak lidera golu ruma, tan ne’e nafatin mantein rejultadu 0-0.

Ho nune’e, tuir treinadór DIT nian, Mial Baliebata Armand hateten, jogu entre ekipa rua hanesan teste ida ba sira nia jogadór, nune’e bainhira iha jogu tuir mai, joga dahuluk kontra Karketu Fc bele hatudu rejultadu ne’ebé di’ak iha jogu nia laran.

“Iha jogu tray out ne’e, DIT konsege manan Fitun Estudante 5-2, no ohin hasoru tan Assalam, tanba ne’e jogadór sira mantein rítmu jogu hodi halo empata 0-0, no liu husi jogu tray out ne’e mós hanesan matéria ida hodi tau iha konsiderasaun atu halo koresaun ba jogadór sira, antes hasoru Karketu iha loron (18/11)”, Dehan treinadór ne’e, hafoin remata jogu kontra Assalam, iha kampu Futeból DIT, Kuarta (11/11/2020).

Enkuantu iha fatin hanesan, presidente Assalam Fc, Hipolio Soares iha nia entrevista ba jornalista desportu.xyz hateten, jogu ne’e hanesan tray out ba ekipa, nune’e hodi halo mós preparasaun antes joga hasoru Boavista Fc de Timor.

“Jogu ne’e hanesan teste ida ba jogadór sira, atu nune’e Sabádu joga kontra Boavista bele hatudu rejultadu ne’ebé ke di’ak”. Dehan nia. (Vidal).

Facebook Comments

error:
P