November 24, 2020

Desportu Timor-Leste

AS Marca La Susesu iha Tasa 12 Novembru

Dili – AS Marca hanesan ekipa segundu divizaun, iha ne’ebé antes ne’e iha Copa FFTL foin liu ba, hanesan ekipa ida hakat mós to’o oitavu finais, hamutuk ho ekipa sigante balun, maibé iha jogu taxa 12 Novembru, AS Marca tenki hela iha jogu dahuluk konta nia adversáriu Lica-Lica Lemorai, liu husi penalidade ho skor 5-3.

Jogu entre ekipa rua, iha stadium Munísipal Dili, iha minutu normal 90 nian, ekipa rua tun ho rítmu jogu kuaze hanesan ho bola áas, maibé la responde golu ba malu to’o jogu termina de’it.

Tanba ne’e, jogu ba taxa 12 Novembru ho nia eskema tenki hatudu ekipa ida lakon sai, tanba ne’e penalidade mak sai alvu alternativu hodi deside ekipa rua, maibé sorte áat monu ba AS Marca, tanba nia jogadór númeru kamizola 10 ho naran Ezequiel da Cruz, hakat ba liña penalidade hodi suta bola ba baliza Lica-Lica nian, maibé baliza refere salva tiha bola.

Nune’e, lakon bola ida halo nia adversáriu tenki manan ho skor 5-3, tanba AS Marca lakon bola ida no Lica-Lica Lemorai kompleta ho bola lima.

Tanba ne’e tuir treinadór AS Marca, Romão Guteres hateten, ohin iha jogu minutu ’90’, sira hatudu duni jogu, maibé la iha rejultadu di’ak, hanesan jogu FFTL liu ba.

“Razaun ami nia jogadór sira joga perfomance tun, tanba ami nia preparasaun mak ladun másimu”. Dehan nia hafoin remata jogu, iha stadium Munísipal Dili-Tersa (17/11/2020).

Treinadór ne’e esklarese, maske nia halo mudansa uitoan iha liña balun, maibé la iha mudansa atu produs golu.

“Joga iha taxa 12 Novembru ne’e mai hanesan kompleta de’it, tanba ladun esforsu, ne’ebé ba oin sei halo preparasaun di’ak liu ba liga tinan oin”. Nia promete.

Tanba ne’e, treinadór ne’e mós rekoñese, derota tanba liu husi penalidade, tanba ne’e fallansu mós iha mentalidade jogadór ninian.

Enkuantu treinadór ne’e reforsa tan, maske falla iha penalidade, maibé nafatin fó korajen ba jogadór sira atu esforsu hodi prepara ba jogu sira tuir mai.

Nune’e mós kapitaun AS Marca, David Mendonça mós afirma, sira nia esforsu mak nune’e ona, tan ne’e depende ba sorte husi jogu ne’e rasik.
Nia mós promete, ba oin nafatin halo preparasaun ho di’ak liu tan, hodi hein ba Liga sei akontese iha tinan oin. (Vidal).

Facebook Comments

error:
P