November 24, 2020

Desportu Timor-Leste

Coach Octavio ho Esperiensia Dahuluk Manan Penalidade


DILI – Treinadór Lica-Lica Lemorai, Octavio Pinto sente orgullu hanesan treinadór junior ida ne’ebé mak foin aprende iha Tasa 12 Novembru halakon ekipa AS Marca liu husi suta penalidade.

Octavio apresia nia jogadór sira tanba hatudu rezultadu di’ak, jogu refere nudar jogu esperiénsia dahuluk iha tasa 12 Novembru.

“Ho rezultadu vitória ne’e hanesan trenadór junior ida foin mak aprende sente orgullu tanba bele kompete ho trenador senior sira,” deklara Octavio ba jornalista iha Estádiu munisipál Dili, tersa (17/11).

Ekipa Lica-Lica hetan rezultadu pozitivu kontra As Marca iha suta penalidade, mesmu jogador sira sei iha falla uitoan iha liña avansadu tanba ne’e sei hadi’a ba jogu tuir mai.

“Se ekipa Lica-Lica mak perpara di’ak ami sei la hakfodak ekipa sé sé de’it mak kompete iha segundu divizaun Liga Futebol Timor Leste (LFTL) iha tinan oin mai,” reafirma treinadór ne’e

Hanesan jestor ekipa, luta nafatin ho jogador sira atu kontinua nafatin vitoria hodi ultrapa faze tuir mai iha taxa 12 Novembro. (Eug)

Facebook Comments

error:
P