November 24, 2020

Desportu Timor-Leste

Karketu Lansa Mensajen Moruk Ba DIT


Dili – Diretór tékniku ekipa Karketu Fc nian, Elizeo Isac iha nia menzajen liu husi konferénsia imprensa katak, jogu aban sira sei rekolla pontu tolu husi nia adversáriu Dili Institut of Teknologi (DIT), ba taxa 12 Novembru tinan ne’e.

Tuir diretór tékniku ne’e katak, intensaun Karketu nian ba taxa 12 Novembru tinan ne’e, hakarak sai kampeaun iha taxa ne’e rasik, tanba ne’e iha jogu dahuluk kontra DIT iha minutu “90”, mak deside.

“Aban hakarak ka lakoi, tenki deside katak, ami tenki rekolla pontu tolu”, Nia deklara lia hirak ne’e iha konferénsia imprensa, iha LFTL, Xanana Sport Centre, Tersa (17/11/2020).

Tanba ne’e nia afirma, aban Karketu hahú fila fali jogu kontra DIT, ba taxa 12 Novembru, maske jogadór sira foin deskansa de’it husi jogu FFTL foin remata iha fulan hirak kotuk, iha ne’ebé sira mós hakat to’o oitavu finais, tanba ne’e sira hahú hadi’a fali buat balun iha liña defeza no klaran.

“Ami bolu fila fali ami nia eis kapitaun, ne’ebé mak joga iha Boavista, no fila haforsa fali ami ekipa, nune’e mós jogadór selesaun nasionál balun hanesan Jeka”. Dehan nia.

Nune’e mós nia klarifika, Karketu iha hanoin ida ba oin iha optimista ba jogu taxa 12 Novembru tinan ne’e sei sai kampeaun.

Enkuantu relasiona ho jogadór, maiória jogadór lokal, no iha jogadór estranjeiru na’in ida husi Gana mak haforsa iha liña klaran. (Vidal).

Facebook Comments

error:
P