December 6, 2020

Desportu Timor-Leste

‘Kansela Penalidade’ Karketu La Aseita ho Arbitru Nivio

Golu
32'
32'
33'
33'
56'

Dili – Relasiona ho Arbitru Nivio Fernandes nia desizaun hodi kansela penalti, halo ekipa Karketu ho naran istimadu matak  malirin ne’e tristi hodi la aseita total ho hahalok refere.

Tuir kronologia ne’ebé mak akontese entre defeza DIT Salvador da Costa suta avansadu Karketu Celso da Costa nia ain los hodi monu ba rai iha area penalidade laran waihira jogador refere atu suta bola sai ba nia kompañeru ekipa.

Wainhira jogador ne’e monu ba rai arbitu foti desizaun hodi fo penalti ba Karketu maibe liu deit minutu balun arbitu ba kordena fali ho arbitru iha lina eskerda (asistente arbitru) ikus mai kansela penalti Karketu.

Ho kanselamentu ne’e mosu dezentendimentu jogador no estrutura Karketu halo protesta ba arbitru, halo jogu tenki para iha minutu balun, ikus mai jogu kontinua lao normal hikas.

Hahalok arbitru sira komete, Vice Prezidenti Karketu Luis Oliveira hatete Karketu la aseita ho dezisaun arbitru sira nian hodi kansela penalti tanbà deiszaun ne’e la justu.

“Ami estrutura Karketu tomak simu ho derota kontra DIT maibe arbitru sira nia lidera jogu mak estraga fali jogu” relata Luis ba jornalista iha estadiun munisipal Dili Kuarta (18/11)

Nia informa tuir lolos arbitru nia desijaun sai ona laiha ema ida mak kansela, maibe ita nia jogu iha Timor keta iha lei foun ruma karik.

“Se  arbitru sira mak halo hanesan ne’e hela deit, ita nia futebol iha Timor-Leste la lao ba oin tanba durante ne’e ekipa barak kritika arbitru kontinua failansu”. dehan nia

Luis haktuir Karketu sei la hatama karta protesta tanba tinan-tinan ita hatama hela deit karta, arbitu nunka atu hadia sira nia sala durante Liga ne’e lao. (Eug).

Facebook Comments

error:
P