December 6, 2020

Desportu Timor-Leste

Aitana Sei Bele Manan AS Ponta Leste?

Treinador AS Ponta Leste Eduardo


Dili – Treinadór AS Ponta Leste Eduardo Perreira deklara, tuir istória ne’ebé iha ona, Ponta Leste hasoru Aitana seidauk manan iha jogu sira hanesan Liga Amodora no Copa sira ne’ebé akontese iha tinan hirak liu ba, maibé, ba jogu taxa 12 Novembru tinan ne’e, sei manan sira tanba Ponta Leste nia matéria di’ak liu ekipa adversáriu.

Tuir treinadór ne’e nia hareé katak, matéria AS Ponta Leste di’ak liu kompara ho matéria Aitana nian, tan ne’e nia garante sei muda iatória ne’ebé Aitana marka ona ba sira.

“Tuir hau nia hareé, bainhira Aitana joga hasoru Fc Portu Taibesi iha jogu Copa foin liu ba, jogadór sira uluk ne’e sei nafatin, maibé sira nia preformence ladun másimu ona, maibé ita la hatene keta loron hirak ne’e sira halo preparasaun ho di’ak”. Hateten treinadór ne’e iha LFTL, Xanana Sport Centre, Sexta (20/11/2020).

Tanba ne’e, treinadór AS Ponta Leste ne’e afirma, nia parte sei uza tátiku ne’ebé di’ak, hodi manan ekipa adversáriu iha jogu ne’e rasik.

“Hau sente Ponta Leste fokus ba liña importante sira, nune’e mós parte defeza ninian, atu nune’e iha oportunidade para bele halo kontra atake bele manan sira iha jogu ne’e rasik”. Nia hateten.

Enkuantu treinadór ne’e esklarese, daudaun ne’e nia jogadór maiória kondisaun di’ak, maske balun serbisu, maibé nia garante jogadór sira sei partisipa iha jogu refere.

Nune’e mós jogadór na’in tolu mak sai husi Ponta Leste, tan ne’e labolu tan jogadór husi klubu seluk atu haforsa nia ekipa.

“Jogadór ida husi AD SLB Laulara nian ho naran, Oscar mak mai tan, ne’ebé labarik ne’e hau koñese, tanba ne’e nia mai hau simu, no seluk maiória nafatin Ponta Leste”. Dehan Nia. (Vidal).

Facebook Comments

error:
P