December 2, 2020

Desportu Timor-Leste

Boavista Elimina Kablaki iha Tasa 12 Novembru

DILI – Avansadu ain karuk Fransyatma Ima Kefi ho nia golu rua lori Boavista FC de Timor trava nia adversariu Kablaki FC iha jogu Tasa 12 Novembro ne’ebé mak halo estadiu munisipal Dili rame iha Sesta (20/11) lokraik.

 Observasaun ekipa Boavista de Timor tun ho uniforme metan mutin enkuantu Kablaki FC ho modelu uniforme metan matak.

Jogu hahu ekipa rua lansa kedas kontra no atake ba malu hodi buka golu ba ida-idak nia rede hodi hadau malu vitoria tamba jogu ho Sistema lakon sai.

“Ho esforsu Boavista nian hetan duni rezultadu husi avansadu Fransiatma Ima Kefi hodi doko rede Kablaki FC ho ain karuk iha menutu 11, hafoin hetan bola husi kruza iha lina karuk Nataniel Reis, muda kedas skor ba 1-0.”

Ho golu ne’e Kablaki hetan presaun halo sira tenki hasai kosar hodi taka lina kotuk hodi uza bola aas soe ba lina oin Boavista nian maibe difisil atu sobu defeza kotuk Boavista.

Iha minutu 40 avansadu Kablaki Antonio de Jesus lansa suta bola ho kategoria perigu iha garis mutin penalti kotuk maibe guarda rede Boavista Gergenio da Silva salva bola husi nia ain.

Maske hetan golu 1-0 la hamate esperitu jogu Kablaki FC hodi halo Boavista  disfisil atu hetan golu to primeira parte termina.

Hakat ba segunda parte udan monu tun hodi habokon kampu halo jogador ekipa rua tenki monu hader iha tahun laran susar ba jogador Boavista atu hatudu jogu diak.

Aproveita tahu iha kampu laran Kablaki FC fila halo mudansa jogu hodi halo ameasa bola aas ba Boavista nia lina oin obriga defeza tenki esforsu ho kosar atu salva rede.

Boavista fila hamate Kablaki nia jogu hodi tik tak bola husi ain ba ain ikus mai Fransiatma Ima Kefi halis rede Kablaki iha minutu 60 tamba hetan bola  kruza iha parte lina klaran husi Edit Savio, halo Mario Martins labele salva bola husi nia ain karuk, hodi skor nakfilak ba 2-0

Kablaki aproveita bola iha minutu  ikus obriga guarda rede Boavista FC Georgino da Silva tenki salva bola makas husi kantu da-ualu (8) no suta livre dala neen (6) to jogu termina viotoria ba Boavista ikus 2-0.

Ho jogu ne’e ekipa Boavista hakat ba Oitavu Finais no hein manan nain hosu jogu Emmanuel FC vs Santa Cruz FC ne’ebé sei joga iha (22/11) 16:00 OTL. (Eug)

Facebook Comments

error:
P