November 28, 2020

Desportu Timor-Leste

Ponta Leste Muda Istória Aitana FC ba Dahuluk


DILI-Guarda rede Ponta Leste sai heroi hodi salva ninia klube hosi derrota; Nia kontinua lori ninia klube hakat ba faze tuir mai, iha tasa 12 Novembru 2020.

Jogu iha estádiu munisipál Dili, sábadu (21/11) ekipa Aitana halo jogu moris no loke golu dahuluk, hodi halo presaun ba adversáriu Ponta Leste.

Aitana halo supreza ba Ponta Leste liu hosi bola barullu simples, Jogador Aitana Miguel Araujo ne’ebé la dun hetan seguransa diak hosi adversáriu iha area risku, nia ho susesu konverte bola hosi liman loos sai golu hodi lidera kedas jogu 1-0.

Ponta Leste ne’ebé menus domina bola tiki-taka, tanba adversáriu Aitana konfia bola kontrola no halo atake barak liu, mezmu halo esforsu fó presaun liu hosi bola sutu dala 5 maibé guarda rede Aitana, Celestino Pinto (Kamizola 20) sempre halo salvasaun brillante.

Atu termina primeira parte, ekipa Ponta Leste susesu hamosu rezultadu empatadu 1-1 liu hosi bola ne’ebé marka Assist Silveiro Garcia ba Anizio Correia iha minutu 41. Antes termina primeira parte, ekipa rua sai ba hemu bee ho rezultadu empatadu.

Tama segunda parte, Guarda Rede ponta Leste Albino Ximenes halo falta iha grande area laran hodi hamonu adversáriu ne’ebé ho vantajen bola ba golu, nune’e árbitru Apeu hai kedas ba pontu mutin linha 11. Hod hatudu sutu penalidade, insidente ne’e fo vantajen ba Aitana, Jilson Dos Reis nudar ezekutador konverte bola hodi obriga Albino ba hili bola iha rede laran.

Nune’e lori aitana lidera rezultadu muda ba 2-1.
Maibé rezultadu la dura kleur tanba, Ponta Leste nafatin mantein akompnhia tátika atake hosi adversáriu, ekipa ne’ebé jere hosi Treinador Eduardo Perreira ne’e konsege fiar an dui hodi empate rezultadu iha minutu 83 nafatn hamosu hosi Anizio Correia no bola hetan asisténsia hosi Candido Oliveira.

Tensaun jogu konsege manas iha minutu 80 ba 90, obriga árbitru Apeu hasai hosi nia bolu kartaun kinur hodi kastigu ba jogadór sira, liu liu hosi aitana ne’ebé hamosu jogu agresivu no koko aleija jogadór maluk.

Tama iha minutu ikus, Ponta Leste hetan anin fresku liu hosi atake full hamosu duni golu iha minutu 90 liu hosi jogadór Anizio Correia ne’ebé konverte bola barullu.

Maibé adversáriu Aitana mos sentra lalais kedas hodi atake tun, nune’e purvolta distánsia metru 35 hosi guarda rede, akontese bola falta (fouls), ho nune’e Aitana hetan vantajen bola free kick, finalmente free kick ne taka jogu, Emiliano Ribeiro ho susesu hamosu golu iha minutu ikus ne’e nune’e 90+5, hodi aproveita bola free Kick. Liu deit segundu balun, apeu mos hu apitu ikus nian hodi derije bola ba kampu sentrál nune’e jogu termina ho rezultadu 3-3

Iha faze sutu penalidade, hosi Aitana hanesan Lamberto Ximenes La hamosu golu inklui jogadór rua hosi Miguel Araújo ho Rigoberto Lay, so Jilson dos Reis de’it maka less duni Rede Ponta Leste nian.

Enkuantu Hakat ba Penalty Kick hosi Ponta Leste ho susesu les rede aitana nian ne’ebé hein hosi Celestino Pinto dala tolu, golu mai hosi liu hosi bola sutu Silveiro Garcia, Jacinto Soares, ho Elidio da Costa, enkuantu bola hosi Elvanio da Costa la golu. Nune’e rezultadu lori ekipa rua finaliza ho 6-4. (Augusto)

Facebook Comments

error:
P