November 28, 2020

Desportu Timor-Leste

Hapara Santa Cruz, Emmanuel Hakat Ba Oitavu Finais


DILI – Ekipa Emmanuel fc susesu hapara nia adversariu Santa Cruz iha taca 12 Novembro ho eskor 2-0 iha jogu ne’ebé halao iha estadiun munisipal Dili Domingu (22/11).

Tuir observasaun Desportu.XYZ ekipa Santa Cruz mai ho uniforme mean riskadu kinur no Emmanuel nia uniforme mean riskadu metan kuaze ekipa rua nia uniforme atu hanesan.

Jogu hahu ekipa rua tun hodi lansa kontra atake ba malu tuir teknika no tatika ekipa ida-idak nia atu buka vitoria tanba jogu ho Sistema lakon sai.

Maibé ekipa Emmanuel suprior liu hodi fura uluk rede Santa Cruz liu husi kabesada jogador Romario Monis hafoin aproveita bola kantu husi Juvitu Monis iha minutu 33, halo skor sai ba 1-0.

Ho rede Santa Cruz nakles la hamate vontade jogador sira hodi halo ameasa fila fali ba rede Emmanuel fc liu hosi jogador Liborio Gerenimo nia suta livre ho ain los, maibé guarda rede Maximilianos Binsasi salva bola ho diak.

Esforsu husi ekipa rua nia liu husi bola suta livre no kantu, maibé bola hira laiha tarzetu ba rede to primeira parte termina, skor provisoriu ba Emmanuel ukun 1-0.

Iha segunda parte Santa Cruz halo mudansa tatika jogu hodi troka jogador Rui Babo hatama fali jogador estranjeiru Patrick Berko iha menutu 50 hodi ajuda lina klaran.

Mudansa Santa Cruz nia la hatudu rezultadu diak hodi fó oportunidade ba Emmanuel fura tan rede Santa Cruz liu husi jogador Filomeno Savio iha menutu 53, hafoin hetan bola kruza husi Juvitu Monis iha lina los, hodi haturu eskor ba 2-0.

Rezultadu 2-0 fó badinas ba jogador Santa Cruz ho hamate Emmanuel nia jogu hodi halo ameasa liu husi bola kantu tolu, falta rua no suta livre dala rua obriga guarda rede tenki monu hader hodi salva bola to jogu remata, rezultadu monu ba Emmanuel ukun 2-0 to’o jogu termina.

Emmanuel FC kualifika ba Oitavu Finais hasoru ekipa jigante Boavista FC Timor iha 27 Novembru 2020 16:00 OTL. (Eug)

Facebook Comments

error:
P