January 19, 2021

Desportu.XYZ

Desportu Timor-Leste

Lica-Lica Hela Iha Oitavu Finais Ba Taxa 12 Novembru


Dili-Ekipa segundu divizaun, Lica-Lica Lemorai Fc, tenki hela iha faze oitavu finais, banhira derota ho nia adversáriu Lalenok United Fc, ho scor 7-0, iha jogu taxa 12 Novembru tinan ne’e.

Tuir treinadór Lica-Lica Lemorai, Nelson Soares hateten, derota ida ne’e hanesan buat normal, tanba ekipa ne’ebé de’it nia joga sempre ida lakon no manan.

“Hasoru ekipa bot ka ki’ik, simu derota ne’ebé bot ka lae ne’e normal, tanba ne’e konsikuénsia jogu mak hanesan ne’e, ne’e mak ami prontu para kompete, no prontu simu ninia realidade”. Dehan treinadór ne’e iha stadium Munísipal Dili-Kinta (26/11/2020).

Tanba ne’e, treinadór ne’e mós fó parabéns ba ekipa Lalenok United, tanba sira bele manan iha jogu ne’e rasik hodi hakat tan ba faze tuir mai.

Maibé treinadór ne’e mós, apresia ho nia jogadór, tanba joga laos atu buka manan, maibé atu kompete entre ekipa not sira.

“Hanesan ekipa segundu divizaun, joga laos buka atu manan, maibé hanesan preparasaun ba liga sei akontese iha tinan oin mai”. (Vidal)

Facebook Comments

error:
P