DILI – Treinadór Ponta Leste Eduardo Pereira hatete jogu taca 12 Novembro no copa FFTL hanesan materia ida mai ami atu hadia iha Liga Futebol Timorense tinan oin mai.
Tuir Eduardo katak Ponta Leste iha tinan ne’e seidauk hatudu resultadu diak iha taca 12 Novembro no copa FFTL tanba ami sempre falla dala rua iha jogu oitavu finais.
“Ho rezultadu la diak iha tinan ne’e hanesan materia bo’ot ida ba Ponta Leste atu hadia iha Liga Futebol Timorense” relata Eduardo ba jornalista iha estadiun munisipal Dili sabadu (28/11).
Nia argumenta ekipa DIT fc nia preparasaun diak liu diferente ho preparasaun Ponta Leste nian tanba DIT mai ho treinador internasional.
Iha jogu primeiru parte DIT domina liu bola no mai iha segunda parte hau tenta halo mundansa jogu maibe la konsege hatudu rezultadu tanba jogador DIT nia estamina diak liu Ponta Leste.
Eduardo sujere ba jestor klubu Ponta Leste atu rekruta tan jogador estranjeiru balun no jogador Timor oan sira ne’ebé mak diak atu bele haforsa tan Ponta Leste iha Liga.(Eug)
