January 20, 2021

Desportu.XYZ

Desportu Timor-Leste

LFTL Pronunsia Janela Transferénsia Hahú Iha Tinan Foun


Dili – Daudaun ne’e órgaun Liga Futeból Timor Leste (LFTL) nian, anúnsia ona ba klubu sira katak, janela tranferénsia nasionál ba jogadór sira, sei hahú loke hikas iha loron 1 to’o loron 31 fulan Janeiru 2021.

Tuir Diretór relasaun públika LFTL nian, Diogo Neto Fraga informa, LFTL mós sei loke tranferénsia ba jogadór internasionál sira ne’ebé hakarak mai haforsa klubu sira iha ita nia rai laran, tanba ne’e sei hahú loke iha loron 28 Fulan Dezembru 2020 to’o loron 28 Febreiru 2021.

“Iha jogu primeira jornáda, LFTL mós sei loke biban ba segunda tranferénsia iha periode loron 31 fulan Maiu to’o loron 15 de Jullu 2021”.

Diretór ne’e informa iha nia konfrénsia imprensa ne’ebé hala’o iha Stadium Munisípal Dili, Tersa (22/12/2020).

Tuir konferénsia LFTL nian ne’ebé foin liu ba, hamosu mós resolusaun ida katak, klubu sira ne’ebé sei kompete iha primeira divizaun hamutuk 10, no mós klubu segundu divizaun hamutuk 10, maibé dadaun ne’e klubu 8 mak iha serteza ona iha primeira divizaun hanesan, Lalenok United Fc, AD-SLB Laulara, Boavista Fc de Timor, Ponta Leste, Karketu Fc, Aitana Fc, DIT Fc, Assalam FC.

Tanba ne’e atu kompleta tan númeru klubu 10 ba primeira divizaun, LFTL sei hala’o tan jogu apuramentu ne’ebé sei akontese iha fulan Febreiru 2021, hodi hetan klubu 2 hodi promovidu ba primeira divizaun.

Nia informa tan, LFTL sei realiza jogu primeira divizaun no segundu divizaun sei iha jornada 18, totál jogu 90, ne’ebé sei hahú iha 20 fulan Marsu 2021.

“Jogu ba segundu divizaun hamutuk jogu 45, ida ne’e opta de’it meia kompetisaun, ne’e hasoru malu dala ida de’it”.

Enkuantu LFTL mós preve kalendáriu taxa 12 de Novembru ho sistema vota fora ka lakon sai, ne’ebé sei realiza iha fulan Novembru ho jogu hamutuk 19.

Jogu Super Taxa nia kalendáriu seidauk preve, tanba sei hein rejultadu husi jogu primeira divizaun no taxa 12, nune’e super taxa sei hala’o dala ida, tanba ne’e klubu ne’ebé sai kampeaun iha jogu primeira divizaun sei hasoru klubu ne’ebé sai kampeaun iha taxa 12 Novembru. (Desportu.xyz).

Facebook Comments

error:
P