January 19, 2021

Desportu.XYZ

Desportu Timor-Leste

“Kontratu Simon Remata” Gaspar Provisoriu Lidera Lalenok United

DILI – Atual asistente treinador Gaspar Amaral provisoriu lidera Lalenok United iha Liga Futebol Timor leste (LFTL) hodi subtitui Simon Elessetche ne’ebe mak kontratu termina ona iha fulan Dezembro 2020.

Fo hanoin katak Gaspar Amaral hanesan jogador ida haforsa Lalenok United 2016 hodi lori Lalenok promovidu ba segundu divizaun.

Gaspar desidi nia a’an hodi sai asistenti treinador ba Lalenok United 2017 tanba kestaun  ho idade halo nia tenki para ho kareira hanesan jogador futebol.

Iha fulan Dezembro 2020 estrutura Lalenok United deside Gaspar Amaral sai hanesan treinador provizoriu ba Lalenok hodi hein treinador foun tanba treinador ho lisensa A seidauk troka Simon Elessetche nia fatin.

Tuir Gaspar katak lidera Lalenok tinan ida ne’e hanesan treinador provizoriu hodi hein treinador ho lisensa A tanba Lalenok sei prepara ba jogu AFC Cup tinan ne’e.

“Hau lidera Lalenok ba jogu Liga Futebol Timor Leste tanba lisensa hau nian hanesan trenador foin mak C atu prosesu ba B” relata Gaspar ba jornalista iha SEJD segunda (04/01).

Nia informa iha Timor treinador ho lisensa B foin mak nain 7 tanba ne’e ita seidauk bele lidera klubu ida ba joga iha AFC cup, tan ne’e mak hau lidera Lalenok hanesan treinador provisoriu deit.

Sai hanesan asistenti treinador iha Lalenok United Gaspar konkista ona titlu kampiaun 5 hanesan Liga Futebol Timor leste, super taca, Copa FFTL, taca 12 Novembro dala rua.(Eug)

Facebook Comments

error:
P