January 20, 2021

Desportu.XYZ

Desportu Timor-Leste

FFTL Entrega Sertifikadu AFC Cup Ba Klubu Lalenok United

DILI – Federasaun Futebol Timor Leste FFTL entrega sertifikadu AFC Cup 2021 ba ekipa Lalenok united hodi reprezenta Timor Leste ba kompete iha jogu AFC Cup 2021.

Seremonia entrega Sertifikadu AFC Cup husi prezidente FFTL Francisco Jeronimo ba prezidenti Lalenok United FC Pedro Belo.

Prezidente Lalenok United Pedro Belo agradese ba prezidente FFTL no estrutura tomak nia esforsu hodi trata dokomentu hotu  to ohin loron Lalenok United bele prense kriteria joga iha AFC Cup ba dala rua.

“Hau senti kontenti Lalenok United bele reprezenta Timor Leste ba dala rua iha AFC Cup 2020 no 2021, relata Pedro ba jornalista iha salaun Xanana Sport Center Bairu Grilos Sabadu (09/01).

Nia informa klubu ida kuandu ba joga iha AFC Cup laos fasil tanba nia kriteria atu prense AFC Cup  ne’e todan tebes.

Maibe kreteria sira ne’e Lalenok United servisu hamutuk ho FFTL hodi trata dokumentu hotu ikus mai dokumentu hotu priense duni kriteria ba joga iha AFC cup, dehan nia.

Pedro haktuir katak iha tinan kotuk Lalenok la pasa iha Play Off AFC Cup, maibe tinan ida ne’e Lalenok fiar katak sei pasa husi Play Off AFC Cup 2021.

Sorin seluk prezidente Federasaun Futebol Timor-Leste Francisco Jeronimo (Atual SE MAPKOM) fo parabens ba Lalenok United ne’ebe hasoru situasaun difisil to’o ohin bele hetan sertefikadu husi AFC cup 2021 hodi reprezenta klubu hotu iha Timor ba joga AFC Cup.

Nia husu ba klubu primeiru divizaun iha Liga Futebol Timorense atu prepara a’an didiak hodi bele kompete ho klubu Lalenok United hodi kualifika ba AFC Cup iha tinan oin mai.

Lalenok laos ba joga deit AFC Cup maibe iha ona informasaun katak AFF Cup mos sei loke, tanba ne’e Lalenok mos sei hola parte iha AFF Cup. (Eug)

Facebook Comments

error:
P