January 19, 2021

Desportu.XYZ

Desportu Timor-Leste

Lalenok Kese Kontratu Jogador Estaranjeru Soares Tinan Ida

Italo Soares

Italo Soares

DILI – Klubu Lalenok United kese kontratu ba jogador ho nasionalidade Brazil Italo Soares ho durasaun tinan ida iha janela transferensia ne’ebé mak fo sai ona husi Liga Futebol Timorense iha 28 de Dezembro 2020.

Jogador ho pozisaun mediu-atakante ne’ebé mak istilus jogu ain karuk Italo Soares hamutuk ho Lalenok United iha 2017 lori Lalenok promovidu husi segundu divizaun ba primeiru divizaun.

Iha 2019 Soares konsege oferese titlu tolu ba Lalenok United hanesan kampiaun Liga Futebol Timor Leste, Super Taça, no Taça 12 de Novembro.

 Tuir prezindente Lalenok United Pedro Belo hatete jogador Soares laos jogador foun ba Lalenok tanba nia hamutuk ho Lalenok iha 2017 konsege lori Lalenok sai kampiaun dala tolu.

“Tinan ida ne’e hanesan asina kontratu kontinuasaun ba jogador Italo Soares iha janela transferensia 2020 no 2021” relata Pedro ba jornalista iha Fatuhade Sabadu (09/01).

Nia dehan kontratu Soares tinan ne’e atu haforsa Lalenok United iha Liga Futebol Timorense, Copa FFTL AFC Cup no AFF cup tinan ne’e.

Ho Soares nia prezensa tinan ida ne’e Lalenok fiar katak sei diak liu fali tinan kotuk tanba jogador refere nia performa sai maka’as liu iha tinan kotuk.

Razaun lori jogador Soares fila mai tanba adeptos jogador refere barak liu iha Timor hodi husu ba  manajemen klubu atu  bolu fali Soares mai haforsa Lalenok, ikus mai Soares hamutuk duni ho Lalenok. (Eug).

Facebook Comments

error:
P