DILI – Jogador ho pozisaun defeza Nelson Sarmento renova tan kontratu hamutuk ho klubu Boavista FC de Timor to epoka 2021/2022 iha jogu Liga Futebol Timorense no Copa Federasaun Futebol Timor-Leste (FFTL).
Jogador Nelson hahu haforsa nia klubu Boavista FC de Timor iha 2018 to mai 2020 nia konsege lori Boavista konkista kampiaun Liga Futebol Timorense dala ida maibe momentu sei Liga Futebol Amadora.
Iha tinan 2021 jogador Nelson sei la sai husi nia klubu tanba sei hetan atensaun husi jestor Boavista hodi prolonga tan jogaodor refere nia kontratu.
Tuir Nelson katak iha janela transferensia tinan ida ne’e laiha klubu ida mak halo negosiasaun ho hau atu ba hamutuk ho klubu seluk.
“Kontratu ne’ebe mak Boavista renova ba epoka 2021/2022 tanba sira hakarak lakoi ha’u atu ba klubu seluk” relata Nelson ba Desportu.XYZ iha kampu Demokrasia segunda (11/01).
Nia mos durante halao jogu hamutuk ho Boavista durante tinan tolu, iha Copa FFTL no Taca 12 de Novembro jogador Nelson hanesan squad importante ba Boavista FC de Timor iha lina kotuk. (Eug).
